सिंहदरबारमा सहकारी प्रकरण कार्यदलको बैठक बस्दै

काठमाडौँ । सहकारी ठगी प्रकरण छानबिन गर्ने संसदीय समितिको कार्यादेश टुंगो लगाउन कार्यदलको बैठक सिंहदरबारमा सुरु भएको छ । बैठक कानुन, न्याय तथा संसदीय मामिला मन्त्रालयमा सुरु भएको हो ।

बैठकमा कांग्रेस र रास्वपाका पछिल्ला प्रस्तावमाथि छलफल हुनेछ । कांग्रेसले सहकारी प्रकरणमा गृहमन्त्री रवि लामिछाने संलग्न रहेको बताउँदै उनको नाम उल्लेख गर्दै छानबिनका लागि समिति बनाउनुपर्ने अडान राखेको छ भने रास्वपाले रविको नाम उल्लेख गर्न चाहेको छैन ।