काठमाडौँ । पछिल्लो केही महिनायता नेपालमा विदेशी पर्यटकहरुको आगमन बढेको छ । नेपालमा विदेशी पर्यटक आगमन १२ दशमलव ७५ प्रतिशतले बढेको हो ।
पर्यटन बोर्डको अनुसार सन् २०२३ को अप्रिलको तुलनामा सन् २०२४ को अप्रिल सो सङ्ख्यामा पर्यटकको आगमन बढेको हो । सन् २०२३ को अप्रिलमा कूल ९८ हजार ७७३ विदेशी पर्यटक आएकोमा सन् २०२४ को सोही अवधिमा १ लाख ११ हजार ३७६ पर्यटक आएका हुन् ।
बोर्डका अनुसार सन् २०२२ को अप्रिलमा ६१ हजार पाँच सय ८९, सन् २०२१ मा २२ हजार ७३२, सन् २०२० मा १४ र सन् २०१९ मा १ लाख ९ हजार ३९९ पर्यटक नेपाल आएका थिए ।
नेपाल भित्रने पर्यटकमा सबैभन्दा धेरै भारतीय छन् । सो अवधिमा भारतीय पर्यटक ३० हजार १५८, अमेरिकी पर्यटक ९ हजार ९४७, चिनियाँ ९ हजार ७५० विदेशी पर्यटक नेपाल आएका छन् । साथै बेलायतबाट ५ हजार ३९१ पर्यटक नेपाल आए ।
त्यस्तै, अष्ट्रेलियाबाट ४ हजार ११०, बङ्गलादेशबाट ४ हजार ३, फ्रान्सबाट ३ हजार ७५५, जर्मनीबाट ३ हजार २७०, रसियाबाट २ हजार ९७७ र मलेसियाबाट २ हजार ३१० पर्यटक नेपाल आएका छन् ।
