काठमाडौँ । प्रधानमन्त्री पुष्पकमल दाहाल प्रचण्डले जसरी भए पनि सरकार पूरा अवधि चलाउने बताएका छन् ।
सुनकोशी मरिण डाइभर्सनको सुरुङ ‘ब्रेक थ्रु’पछि सिन्धुलीको सुनकोशी गाउँपालिकामा कार्यकर्तालाई सम्बोधन गर्दै प्रधानमन्त्री प्रचण्डले अनेक गरेर भए पनि सरकारपूरै अवधि चलाउने बताएका हुन् ।
सरकार लामो समय टिक्क टिक्दैन र गठबन्धन कायम रहन्छ कि रहन्न भनेर विभिन्न टिप्पणी भैरहेको बेला प्रधानमन्त्री प्रचण्डले जसरी भए पनि आफ्नो सरकार पाँच वर्ष चलाउने बताएका हुन् । प्रधानमन्त्री प्रचण्डले भने, ‘अनेक गरिन्छ तर सरकारलाई पूरै अवधि लगिन्छ, द्विविधा नरहोस् ।’
प्रचण्डले वर्तमान सरकार बनेपछि विकास निर्माण, शिक्षा, स्वास्थ्य आदि क्षेत्रमा युगान्तकारी काम भएको दाबी गरे ।
सूचना प्रविधि र कृषिलाई केन्द्रित गरेर नीति बनाइरहेको प्रधानमन्त्रीले बताए ।
