कांग्रेस सचेतकमा सुशीला थिङ नियुक्त

काठमाडौँ। नेपाली कांग्रेसको सचेतकमा सुशीला थिङ नियुक्त भएकी छन्। कांग्रेस संसदीय दलका नेता शेरबहादुर देउवाले थिङलाई सचेतकमा नियुक्त गरेका हुन्।

देउवाका निजी सचिव केशवराज जोशीले बुधबार सभापति देउवाले सांसद थिङलाई पार्टी संसदीय दलको विधानको धारा १३ को उपधारा– २ बमोजिम सचेतक पदमा मनोनयन गरेको जानकारी दिए।

गत महाधिवेशनबाट पार्टीको केन्द्रीय सदस्य बनेकी सिन्धुलीकी नेता थिङ समानुपातिकबाट सांसद बनेकी हुन्। उनी पार्टीको केन्द्रीय सदस्य समेत हुन्।