एजेन्सी । क्यानडाको जंगलमा भीषण आगलागी भएको छ । आगलागीका कारण जलिरहेको वनलाई टाढाबाट देख्न सकिन्छ ।
३३ हजार वर्ग किलोमिटर क्षेत्रफलमा आगो फैलिएको तथ्यबाट यी वनमा लागेको आगोको परिमाणको अनुमान लगाउन सकिन्छ ।
जंगलमा लागेको भीषण आगलागीका कारण ठूलो संख्यामा पशुपक्षी समेत मरेका छन् ।
आगलागीका कारण उक्त क्षेत्रका बासिन्दा ठूलो संख्यामा घर छाड्न बाध्य भएका छन् ।
क्यानडाको जंगलमा लागेको डढेलोको धुवाँ बुधबार अमेरिकाको पूर्वी तट र पश्चिम मध्यपश्चिममा फैलिएको छ ।
जसका कारण प्रभावित क्षेत्रका विमानस्थलमा धेरै उडान रद्द भएका छन् । खेलकुद गतिविधि पनि स्थगित गरिएको छ।
क्यानडाका अधिकारीहरूले यो क्यानडाको सबैभन्दा खराब डढेलो भएको बताएका छन्।
देशका विभिन्न भागबाट अमेरिकामा धुवाँ फैलिरहेको छ ।
क्यानडाको राजधानी ओटावाको डाउनटाउनमा धुवाँ बाक्लो रहेको छ ।
अमेरिका, अष्ट्रेलिया, न्युजिल्यान्ड र दक्षिण अफ्रिकाबाट ९५० भन्दा बढी अग्निनियन्त्रक र अन्य कर्मचारी आइपुगेका छन्, जसमा चाँडै नै आगो नियन्त्रण लिने अपेक्षा गरिएको छ।
