पपुवा न्युगिनीले नेपाललाई दियो १७२ रनको लक्ष्य

काठमाडौँ । हङकङमा जारी त्रिकोणात्मक टी–२० आई सिरिजको फाइनलमा पपुवा न्युगिनीले नेपाललाई १७२ रनको लक्ष्य दिएको छ ।

टस हारेर पहिलो ब्याटिङ गरेको पीएनजीले आठ विकेट गुमाएर १७१ रन बनायो । खराब शुरुवात गरेपनि उसले पछि राम्रो स्कोर खडा गर्यो । एक समय ४३ रनमा ४ विकेट गुमाएर संकटमा परेको पीएनजीका लागि टोनी उराले सम्हालिएर खेल्दै टिमको स्कोर अघि बढाए । टोनी उराले सर्वाधिक ६१ रन बनाए ।

ओपनर उरा छैटौं विकेटका रुपमा आउट भए । नवौं क्रमका ब्याटर एली नावोले आक्रामक खेल्दै १० बलमा ३ छक्का र एक चौका हान्दै नटआउट रन बनाए । हिरीहिरीले १५, किपलिन डोरिगाले १४, चाड आइवती सोपरले १३ रन बनाए ।नेपालले १३ अतिरिक्त रन दियो । नेपालका लागि कुशल भूर्तेल र आकाश चन्दले समान ३ विकेट लिए । यस्तै करण केसी र गुल्सन झाले समान १ विकेट लिए ।