काठमाडौँ । नेपाली कांग्रेसको शीर्ष नेतृत्व र मधेसवादी दलका नेताहरूबीच अहिले सभापति शेरबहादुर देउवाको निवास बुढानीलकण्ठमा छलफल भइरहेको छ ।
कांग्रेस सभापति शेरबहादुर देउवाले नेता डा. शेखर कोइराला, उपसभापति पूर्णबहादुर खड्का र महामन्त्री गगन थापा, कांग्रेस प्रमुख सचेतक रमेश लेखकलाई समेत साथमा राखेर मधेसवादी दलहरूसँग छलफल गरिरहेका हुन् ।
वार्तामा लोकतान्त्रिक समाजवादीका अध्यक्ष महन्थ ठाकुर, जनमत पार्टीका अध्यक्ष डा. सीके राउत र नागरिक उन्मुक्ति पार्टीका अध्यक्ष रेशम चौधरी सहभागी छन् ।
सोमबार नेकपा एमालेको नेतृत्वमा नेकपा माओवादी केन्द्रसहित नयाँ गठबन्धन बनेपछि सत्ताबाहिर पुगेको कांग्रेसले साना दलहरूलाई आफ्नो पक्षमा तान्ने कोसिस गरिरहेको छ।
बुधबार बिहान सभापति देउवाले नेकपा एकीकृत समाजवादीका अध्यध माधवकुमार नेपालसँग कोटेश्वर पुगेर वार्ता गरेका थिए ।
