काठमाडौँ । नेकपा एमाले धादिङको अध्यक्षमा पुनः भूमि त्रिपाठी निर्वाचित भएका छन् ।
अध्यक्षका प्रतिद्वन्द्वी डा. रामकुमार अधिकारीलाई हराउँदै त्रिपाठी निर्वाचित भएका हुन् । त्रिपाठीले ३०९ मत ल्याउँदा अधिकारीले २३८ मत ल्याए ।
त्यस्तै, उपाध्यक्षमा अर्जुन श्रेष्ठ (गोर्खाली) विजयी भएका छन् । गोर्खालीले ३१५ ल्याए भने प्रतिद्वन्द्वी रामकुमार आचार्यले २३२ मत ल्याए ।
सचिवमा राधिका सापकोटाले ३३८ मत ल्याउदा उनका प्रतिद्वन्द्वी हरिराम लोहनीले २०९ मत प्राप्त गरेका छन् ।
महिला उप–सचिवमा उर्मिला रेग्मी विजयी भइन् । रेग्मीले ३५१ ल्याइन् भने उनका प्रतिद्धन्द्धी खुपीकुमारी तामाङले १९६ ल्याइन् ।
खुल्ला उपसचिवमा भक्तबहादुर लामिछानेले ३४८ मत ल्याउँदा उनका प्रतिद्वन्द्वी काजी श्रेष्ठले १९९ मत प्राप्त गरे ।
गत माघ २१ गते बिहान बन्दसत्रको समय सुरु हुनै लाग्दा विवादपछि नवौँ अधिवेशनको प्रक्रिया स्थगित भएको थियो । प्रतिनिधि छनोट र अध्यक्षमण्डलका विषयमा विवाद भएपछि कुटपिट समेत भएको थियो ।
