सुनको भाउ घट्यो

काठमाडौँ । आइतबार सुनको भाउ घटेको छ । गत शुक्रबारको तुलनामा आज सुनको भाउ प्रति तोला ५०० रूपैयाँले घटेको हो ।

आइतबार ५०० रूपैयाँले घटेर छापावाल सुन प्रति तोला १ लाख १८ हजार रूपैयाँ र तेजावी सुन १ लाख १७ हजार ४५० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यसअघि गत शुक्रबार छापावाल सुन प्रति तोला १ लाख १८ हजार ५०० र तेजावी सुन १ लाख १७ हजार ९५० रूपैयाँमा किनबेच भएको थियो ।

चाँदीको भाउ भने स्थिर रहेको छ । गत शुक्रबार १ हजार ३९० रूपैयाँ प्रति तोलामा कारोबार भएको चाँदी आइतबार पनि सोही मूल्यमा किनबेच भइरहेको महासंघले जनाएको छ ।