हेटौँडा । मकवानपुरको हेटौँडा बस दुर्घटना हुँदा १० जना घाइते भएका छन् । फुर्केचौरबाट हेटौँडातर्फ आइरहेको यात्रुवाहक बस हेटौँडा उपमहानगरपालिका वडा नम्बर ६ स्थित पुतलीबजारमा दुर्घटना हुँदा १० जना घाइते भएका हुन् ।
बुधबार बिहान मदनभन्डारी राजमार्ग अन्तरगतको फुर्केचौर हेटौँडा खण्डको पुतलीबजारमा १५ जना सवार ना ३ ख ५३०३ नम्बरको यात्रुवाहक बस नालिबाट तल पल्टिएको मकवानपुर प्रहरीले जनाएको छ । ट्रकलाई साइड दिने क्रममा बस सडकबाट पल्टिन पुगेको हो ।
दुर्घटनाबाट घाइते भएकाहरुमा ७ जनाको हेटौंडा अस्पतालमा उपचार भइरहेको छ भने ३ जनाको सन्चो अस्पतालमा उपचार भइरहेको मकवानपुर प्रहरीले जनाएको हो ।
घाइतेहरुको विवरण
१. मकवानपुर हेटौँडा उपमहानगरपालिका– १७ हटिया बस्ने बर्ष अन्दाजी २५ की पुष्पा डंगोल – ओठ र बाँया पातामा भित्री चोट, अबस्था सामान्य
२. सोही ठाउँ बस्ने बर्ष अं. २१ की रुपा डंगोल – अवस्था सामान्य
३. हेटौंडा १८ बस्ने बर्ष अं. ४५ की महिला (नाम स्पष्ट बताउन नसक्ने) (अवस्था सामान्य
४. सोही ठाउँ बस्ने बर्ष अं. ७० को पुरुष (नाम स्पष्ट बताउन नसक्ने) (अवस्था सामान्य
५. हेटौंडा १७ बस्ने बर्ष अं. ५१ को शंकर राई – अवस्था सामान्य
६. सोही ठाउँ बस्ने बर्ष अं. ५५ की आशा राई – अवस्था सामान्य
७. जिल्ला पर्सा बिरगंज घर भई हेटौंडा १६ बस्ने बर्ष अं. २२ की सिमा साह – निधारमा बाहिरी चोट सामान्य
सन्चो हस्पिटलमा उपचार भई रहेकोमा
८. मकवानपुर गढी गाउँपालिका– ७ बस्ने बर्ष अं. ५६ की माहिली माया थीङ – खुट्टामा चोट, सामान्य
९. सोही ठाउँ बस्ने बर्ष अं. ४६ को कुमार सिं गोले – टाउकोमा चोट, सामान्य
१०. १८ हर्नामाडी बस्ने बर्ष अं. ३६ को सोम लाल थिङ – टाउकोमा चोट, अवस्था सामान्य
