काठमाडौँ । सामाजिक संस्था घुम्टे युवा परिवार गलकोट नगरपालिका ७ मल्मको आयोजनामा स्वागत तथा अन्तरक्रिया कार्यक्रम सम्पन्न भएको छ ।
संस्थाले सोमबार घुम्टे युवा परिवार जापान शाखाका पदाधिकारीहरुलाई स्वागत तथा सम्मान एवं अन्तरकृया कार्यक्रम गरेको हो ।
कार्यक्रममा घुम्टे युवा परिवारका केन्द्रिय अध्यक्ष थम्मन थापा सन्देशले संस्थाको अवधारणा र घुम्टे युवा परिवार जापान शाखाका अध्यक्ष दिनेश थापाले शाखाका विविध गतिविधीको जानकारी सहित मन्तव्य राखेका थिए ।
सो अवसरमा केन्द्रीय कार्यालयले जापानबाट बिदामा नेपाल आउनु भएका घुम्टे युवा परिवार जापान शाखाका पदाधिकारीहरुलाई स्वागत सहित सम्मान गरेको थियो ।
कार्यक्रममा बोल्दै वक्ताहरुले घुम्टे युवा परिवार गलकोट क्षेत्रकै अग्रणी सामाजिक संस्थाको रुपमा परिचित रहेके भन्दै आगामी दिनमा संस्थालाई कसरी अगाडि बढाउने, सामाजिक कृयाकलापमा संस्थाको भूमिका तथा समृद्ध समाज निर्माण कसरी गर्ने, केन्द्रीय कार्यालय र घुम्टे युवा परिवार जापान शाखा बिचको सहकार्य लगायतका विषयमा धारणा राखेका थिए ।
कार्यक्रममा घुम्टे युवा परिवार गलकोट नगरपालिका ७ मल्मका कार्य समिति पदाधिकारीहरु, सल्लाहकार सदस्यहरु, घुम्टे युवा परिवार जापान शाखाका पदाधिकारीहरु, शुभेच्छुकहरु लगायतको उपस्थिती रहेको थियो ।
कार्यक्रम सामाजिक संस्था घुम्टे युवा परिवार गलकोट नगरपालिका ७ मल्मका अध्यक्ष थम्मन थापा सन्देशको अध्यक्षता, उपाध्यक्ष जीवन साहानीको स्वागत र कोषाध्यक्ष सन्त भण्डारीको सञ्चालनमा सम्पन्न भएको थियो ।
