एनआरटी र हिमालयनको बराबरी

नेपालीपत्र आईतबार, २०८० जेठ २१ गते, १७:४७ मा प्रकाशित खेल

काठमाडौँ। न्यूरोड टिम एनआरटी र हिमालयन शेर्पाबीचकोे खेल बराबरीमा सकिएको छ। सहिद स्मारक ‘ए’ डिभिजन लिग फुटबलमा अन्तर्गत आइतबार त्रिपुरेश्वरस्थित दशरथ रंगशालामा भएको खेलमा एनआरटी र हिमालयनले १–१ गोलको बराबरी खेलेका हुन्।

खेलमा सुरुआती अग्रता भने हिमालयनले बनाएको थियो। तर, हिमालयनले त्यसलाई जोगाउन सकेन। खेलको ५२ औं मिनेटमा दिवस उराउले गोल गर्दै हिमालयन शेर्पालाई सुरुआती अग्रता दिलाएका थिए।

तर, खेलको ५५ औं मिनेटमा दिपेश आले मगरले गोल गर्दै एनआरटीलाई १–१ गोलको बराबरीमा ल्याए।

बराबरीसँगै एनआरटीले २४ खेलमा ३० अंक जोडेको छ। त्यस्तै, हिमालयनले २४ खेलमा ३१ अंक जोडेको छ।

#एनआरटी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।