रास्वपाले नारायणगढ–बुटवल सडक समयमै निर्माणका लागि ‘दबाब यात्रा’ गर्दै

काठमाडौँ । राष्ट्रिय स्वतन्त्र पार्टीका सभापति तथा प्रतिनिधिसभा सदस्य रवि लामिछाने नारायणगढदेखि बुटवलसम्म ‘दबाब यात्रा’ गर्दै छन् ।

१ सय १३ किलोमिटर लामो सडकमा लामिछानेले पैदल यात्रा गर्दै निर्माण कार्य समयमै सम्पन्न गराउन दबाब दिन लागेका हुन् ।

२०७५ सालदेखि नारायणगढ(बुटवल सडकखण्डको स्तरोन्नति कार्य सुरु भएको थियो । तर निर्धारित समयमा सडक निर्माण सम्पन्न नभएपछि समय थपिएको थियो । थपिएको समयमा पनि निर्माण सम्पन्न गर्ने गरी काम नभइरहेको भन्दै सभापति लामिछानेले दबाब यात्रा गर्न लागेका हुन् ।

पुस ९ देखि पैदल यात्रा सुरु हुने रास्वपाले जनाएको छ । यात्रामा रास्वपाका सांसद र नेताहरू सहभागी हुनेछन् ।