बुटवल । आजदेखि नेपाली कांग्रेस लुम्बिनीको पहिलो प्रदेश सम्मेलन बुटवलमा सुरु हुँदै छ । बुटवल अन्तर्राष्ट्रिय सम्मेलन केन्द्रमा शानिबारदेखि सुरु हुन लागेको सम्मेलनको उद्घाटन कांग्रेस सभापति शेरबहादुर देउवाले उद्घाटन गर्दैछन् ।
सम्मेलनका लागि नेता तथा प्रतिनिधि हिजोनै बुटवल आइसकेका छनु भने धेरै जसो आज मात्र आउने कांग्रेसका प्रदेश उपसभापति भुवनप्रसाद श्रेष्ठले जानकारी दिए । सम्मेलनको उद्घाटन आज दिउँसो १ बजे हुँदैछ ।
सो सम्मेलनमा वरिष्ठ नेता डा. शेखर कोइराला, उपसभापति धनराज गुरुङ, महामन्त्री गगन थापा, विश्वप्रकाश शर्मा, सहमहामन्त्री किशोरसिंह राठौर, केन्द्रीय सदस्य डा. चन्द्र भण्डारी, दीपक गिरी लगायतका नेताले सम्बोधन गर्नेछन् ।
उद्घाटन सत्रमा करिब १० हजार नेता कार्यकर्ता आउने कांग्रेसको दाबी छ । कांग्रेसको प्रदेश सम्मेलनमा प्रदेशका कार्यसमितिसहित, जिल्ला सभापति, प्रदेश प्रतिनिधि सदस्य, सल्लाहकार, भातृ तथा शुभेच्क्षुक संस्थाका प्रतिनिधि गरी करिव ७ सयको सहभागीता रहने छ । उद्घाटन सत्रपछि राजनीतिक प्रतिवेदन, साङ्गठनिक प्रतिवेदन, आर्थिक प्रतिवेदन पेस हुने छन् ।
