केपी ओली कपमा लुम्बिनीसँग गण्डकी ५ रनले पराजित, एपीएफ सेमिफाइनलमा

काठमाडौँ। केपी ओली कप टी– २० क्रिकेट प्रतियोगिताअन्तर्गत आइतबार भएको खेलमा गण्डकी प्रदेश लुम्बिनी प्रदेशसँग ५ रनले पराजित भएको छ।

पोखरामा भएको खेलमा लुम्बिनीले दिएको १ सय ४ रनको लक्ष्य पछ्याएको गण्डकी १८ ओभर ५ बलमा ९८ रनमा अल आउट भयो। हारसँगै गण्डकी प्रतियोगिताबाट बाहिरिएको छ। उसको हारको कारण एपीएफ भने सेमिफाइनलमा पुगेको छ।

गण्डकीका लागि सुदीप अर्यालले २४ बलमा ३५ रन बनाए। कप्तान बिपिन खत्रीले १९ रन, दीनेश बुढामगरले १३ र कमल परियारले ११ रन जोडे।

बलिङतर्फ लुम्बिनीका मुहम्मद हुसेनले ४ र अजय लुनियाले ३ विकेट लिए। रमेश कुल्मीले २ र अविषेक गौतमले १ विकेट लिए।

टस हारेर पहिले ब्याटिङ गरेको लुम्बिनीले निर्धारित २० ओभरमा ८ विकेट गुमाउँदै १ सय ३ रन बनाएको थियो। लुम्बिनीका लागि ध्रुव सुनार र नार सार्कीले २३९२३ रन बनाए। विराट भण्डारीले १६ र मिर्नल गुरुङले ११ रनको योगदान दिए।