एजेन्सी । युक्रेनमा तीन रुसी एफएसबी अफिसरलाई विष खुवाएर मारिएको रिपोर्ट बाहिर आएको छ ।
उनीहरुको खानामा आर्सेनिक र मुसाको विष मिसाइएको दाबी गरिएको छ ।
युक्रेनले यो काम मेलिटोपोलमा भूमिगत बस्ने युक्रेनी लडाकुहरूले गरेको दाबी गरिरहेको छ।
कसैले केही बुझ्दासम्म यी अधिकारीलाई खाना खुवाउने व्यक्ति फरार भएको मिडिया रिपोर्टमा उल्लेख छ । तर, रुसी अधिकारीहरूले भने यसको पुष्टि गरेका छैनन् ।
युक्रेनमा विषाक्त खाना खाँदा रुसको संघीय सुरक्षा सेवाका तीन अधिकारीको मृत्यु भएपछि रुसी सेनाले व्यापक खोज अभियान चलायो तर कुनै सफलता हात नलागेको बताइएको छ ।
द सन रिपोर्टका अनुसार खाना र मदिरा पुर्याइएको रेस्टुरेन्टमा खोजी गरिएको थियो तर विषको कुनै निशान फेला परेको थिएन।
अधिकारीलाई खाना पु¥याउने व्यक्ति पनि घटनास्थलमा नभेटिएको दाबी गरिएको छ ।
मेलिटोपोल कब्जा गर्ने रुसी सेनालाई पनि उनीहरुको खानामा विष मिसाउने सम्भावनाबारे पहिले नै जानकारी गराइएको बताइएको छ ।
गत महिना, दर्जनौं रूसी पाइलटहरूको हत्याको लागि रक्सी र विषले भरिएको केक रूसी सैन्य आधारमा पुर्याइको बताइएको छ।
