एजेन्सी । शाहरुख खान अभिनित फिल्म ‘डंकी’ २१ डिसेम्बरमा रिलिज हुँदैछ । फिल्मको बजेट ८५ करोड रहेको छ, जुन पछिल्लो ५ वर्षमा शाहरुखका फिल्ममध्ये सबैभन्दा कम हो ।
तर, यो बजेटमा स्टारकास्टको शुल्क भने जोडिएको छैन । फिल्मले रिलिज हुनुअघि नै गैर–थिएटर राइट्सबाट सय करोड रुपैयाँ संकलन गरिसकेको छ ।
पिंकभिलाको रिपोर्ट अनुसार डङ्की फिल्म ८५ करोडको बजेटमा बनेको हो । फिल्मको नाफाबाट शाहरुख र निर्देशक राजकुमार हिरानीले आ–आफ्नो हिस्सा पारिश्रमिक लिने बताइएको छ । प्रिन्ट र पब्लिसिटीको लागत जोड्ने हो भने फिल्मको बजेट करिब १२० करोड रुपैयाँ छ ।
फिल्म डंकीको सुटिङ ७५ दिनमा सम्पन्न भएको थियो, जसमध्ये शाहरुख खानको दृश्यको सुटिङ ६० दिनसम्म चलेको थियो ।
रिलिज अघि नै निर्माताले फिल्मको गैर–थिएटर अधिकार बेचेका छन्, जसका कारण फिल्मले १०० करोड कमाएको छ ।
फिल्म डंकीलाई राजकुमार हिरानीले निर्देशन गर्दैछन् । राजकुमार हिरानी एक मात्र निर्देशक हुन् जसले बलिउडमा अहिलेसम्म सर्वाधिक हिट फिल्म दिने रेकर्ड बनाएका छन् । राजकुमार हिरानीले जम्मा ५ फिल्म निर्देशन गरेका छन् तर ती सबै फिल्म सुपरहिट भएका छन् ।
