सुनको मूल्य स्थिर, चाँदीको घट्यो

काठमाडौँ। आज नेपाली बजारमा बिहीबार सुनको मूल्य स्थिर रहेको छ। नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला एक लाख १६ हजार ५०० रुपैयाँ र तेजाबी सुन एक लाख १५ हजार ९५० रुपैयाँमा कारोबार भइरहेको छ।

यस्तै, आज चाँदीको मूल्य भने घटेको छ। बुधबार तोलामा १४ सय ५५ रुपैयाँमा कारोबार भएको चाँदी बिहीबार १० रुपैयाँले घटेर तोलाको १४ सय ४५ रुपैयाँमा कारोबार भइरहेको महासंघले जनाएको छ।