गणतन्त्र, संघीयता र धर्मनिरपेक्षतामा जनमत संग्रह गराउन दुर्गा प्रसाईको चुनौती

काठमाडौँ। मेडिकल ब्यवसायी दुर्गा प्रसाईले गणतन्त्र, संघीयता र धर्मनिरपेक्षतामा जनमत संग्रह गराउन राजनीतिक दलहरुलाई चुनौती दिएका छन्। भोलि (मंसिर ७ गते) प्रदर्शन गर्ने तयारीमा रहेका प्रसाईले आज पत्रकार सम्मेलन गर्दै मुख्य दलहरुलाई उनले यस्तो चुनौती दिएका हुन्।

पत्रकार सम्मलेनमा बोल्दै उनले यो व्यवस्था परिवर्तन गरेर छोड्ने अठोट समेत व्यक्त गरे। प्रसाई पत्रकार सम्मेलनमा मुख्यतः नेकपा एमालेप्रति आक्रमक देखिएका थिए। मंगलबार राति एउटा पार्टी प्यालेसबाट महिलाहरुलाई लखेटिएको घटनामा एमाले दोषि रहेको बताए। महिलामाथि दुर्व्यवहार गर्नेलाई कारवाही गर्न उनले माग गरेका छन्।

‘महिला सुतिरहेको ठाउँमा गएर बलात्कार गर्न खोजेछन्। त्यसलाई पक्रेर ल्याउनुपर्छ कि पर्दैन?’ उनले प्रश्न गरे, ‘मानवअधिकारवादी के हेरेर बसेका छन्? महिलावादी के हेरेर बसेका छन्? माइती नेपालकी कोइराला दिदी कहाँ छिन्?’

प्रसाईंले आफ्नो लडाईंलाई जीवनमरणको संघर्ष भएको बताएका छन्।