एजेन्सी । उत्तर कोरियाली नेता किम जोङ उन पनि इजरायल–हमास युद्धमा प्रवेश गरेका छन् । उनी प्यालेस्टाइनको समर्थनमा उभिएका छन् ।
किम जोङ उनले आफ्ना अधिकारीहरूलाई प्यालेस्टाइनलाई समर्थन गर्न आदेश दिएका छन्।
उत्तर कोरियाले इजरायलसँगको युद्धका लागि प्यालेस्टाइनलाई हतियार उपलब्ध गराउने वाचा पनि गरेको मिडिया रिपोर्टमा उल्लेख छ ।
किम जोङ उन हाल इजरायललाई हराउन प्यालेस्टाइनलाई सहयोगको रणनीति बनाइरहेको बताइएको छ ।
यसका लागि उनले प्यालेस्टाइन र मध्यपूर्वका अन्य देशहरूलाई पनि हतियार उपलब्ध गराउने मिडिया रिपोर्टमा उल्लेख छ ।
दक्षिण कोरियाली गुप्तचर निकायका अनुसार उत्तर कोरियाली नेता किम जोङ उनले ुप्यालेस्टिनीहरूलाई समर्थन गर्न अधिकारीहरूलाई आदेश दिएका छन् र मिलिशिया समूहहरूलाई हतियार बेच्ने विचार गर्न सक्ने रिपोर्ट गरेको छ।
उनीहरूले हमास र हिजबुल्लाह जस्ता संगठनहरूलाई पनि हतियार बेच्न सक्ने बताइएको छ।
यदि यस्तो भयो भने इजरायलको समस्या बढ्न सक्ने अनुमान गरिएको छ।
यस्तो अवस्थामा इजरायली प्रधानमन्त्री बेन्जामिन नेतान्याहुका चुनौती थपिने बताइएको छ ।
