लिभरपुलका खेलाडी लुईस डायजका आमा बुबा अपहरित भएपछि…

एजेन्सी । लिभरपुल तथा कोलम्बियाका खेलाडी लुईस डायजका पिताको अपहरण भएको छ । मिडिया रिपोर्टका अनुसार अपहरणमा परेका उनका पितालाई १२० जनाभन्दा बढी सेना परिचालन गरिएको छ ।

उनको पिता र आमा दुवैलाई अपहरणकारीहरुले अपहरण गरेका थिए ।

तर, सेनाले हालसम्म उनको आमालार्ई मात्र अपहरणबाट मुक्त गर्न सकेको र पिताको अवस्था अझै अज्ञात रहेको बताइएको छ ।

उनको पिताबारे जानकारी दिनेलाई चार लाख पाउण्ड नगद पुरस्कार दिने समेत घोषणा गरिएको छ ।

सेनाले एक विज्ञप्ति जारी गर्दै डायजको पिताको खोजीकार्यमा कुनै कसर बाँकी नराखेको जनाएको छ ।