एजेन्सी । इजरायलले गाजामा रहेको हमासको आधार शिविरमा सबैभन्दा ठूलो कारबाही गरेको छ । यो अक्टोबर ७ यताकै ठूलो आक्रमण हो । इजरायलले उत्तरी गाजामा रातभर बमबारी गरेको छ। इजरायली वायुसेनाको १०० लडाकु विमानहरूद्वारा गाजामा कारबाही गरिएको मिडिया रिपोर्टमा उल्लेख छ ।
इजरायलले बंकर बस्टर बमहरू प्रयोग गरेको र हमासको सुरुङहरूमा ठूलो क्षति पुर्याएको मिडिया रिपोर्टमा उल्लेख छ।
इजरायलले हमासमाथि योभन्दा ठूलो आक्रमण कहिल्यै गरेको थिएन।
इजरायलले ८ अक्टोबरदेखि गाजामा बमबारी गर्न थालेको थियो तर २७ अक्टोबरमा जे भयो त्यो अहिलेसम्म भएको थिएन ।
२७ अक्टोबरको राती ९ बजेपछि इजरायलले गाजामा अपरेशन नाभा सुरु गरेको थियो ।
इजरायलको एयरबेसबाट लडाकु विमानहरू उडेका थिए र डेढ मिनेटपछि गाजाको आकाशमा पुगेर जमिन भयानक आक्रमण गर्न थालेका थिए। हमासका वायुसेना प्रमुख अत्साम अबु राफा पनि यस हमलामा मारिएका छन्।
