एजेन्सी । भारतीय अर्बपति तथा रिलायन्स इन्डस्ट्रिजका अध्यक्ष मुकेश अम्बानीलाई लगातार दोस्रो दिन ज्यान मार्ने धम्की आएको छ ।
यसपटक पनि उनले धम्कीपूर्ण इमेल पाएका छन् जुन पहिले जस्तै इमेल आइडीबाट पठाइएको थियो ।
यसपटक मुकेश अम्बानीसँग ज्यान मार्ने धम्की दिएका अज्ञात व्यक्तिले २०० करोड भारु माग गरेका छन् । प्रहरीले यस विषयमा अनुसन्धान गरिरहेको छ ।
यसअघि मुकेश अम्बानीका सेक्युरिटी इन्चार्जले शुक्रबार साँझ मुकेश अम्बानीलाई शार्प शूटरले गोली हानेर मार्ने धम्की दिएको इमेल प्राप्त भएको प्रहरीलाई जानकारी दिएका थिए ।
त्यसको सट्टामा उनीसँग २० करोड रुपैयाँ असुली मागेको थियो ।
घटनाको गम्भीरता बुझेर गमदेवी प्रहरीले तत्काल अनुसन्धान थालेको थियो । अहिले उनलाई फेरि त्यही इमेल आइडीबाट ज्यान मार्ने धम्की आएको छ ।
