एजेन्सी । पाकिस्तानमा नवाज शरीफको प्रवेशपछि राजनीतिक तंरग बढेको छ । देशका पूर्वप्रधानमन्त्री इमरान खानले शुक्रबार जेलमा स्लो पोइजन खुवाएर आफ्नो जीवन सकाइदिन सक्ने आशंका व्यक्त गरेका छन् ।
इमरानले आफूले देश छाड्न अस्वीकार गरेका कारण आफूलाई यस्तो गर्न सकिने बताएका हुन् ।
इमरान खानको परिवारले सामाजिक सञ्जाल प्लेटफर्ममा एक पोस्ट गर्दै पूर्व प्रधानमन्त्रीलाई उद्धृत गरेको छ ।
पोस्टमा लेखिएको छ, म मेरो देश छोड्न राजी छैन, त्यसैले उनीहरूले जेलमा मेरो ज्यान लिन अर्को प्रयास गर्न सक्छन्। मलाई स्लो पोइजन दिएर ज्यान लिन सक्नेछन् । इमरान खान हाल गोप्य कूटनीतिक कागजात चुहावट प्रकरणमा अदियाला जेलमा छन् ।
पीटीआई प्रमुखले अहिले आफू पूर्णतया स्वस्थ रहेको बताएका छन् । कमजोरीका कारण आफ्नो शरीरमा केही परिवर्तन आएको उनले बताए ।
इमरान खानले यस्तो दाबी गरेका हुन् जब पाकिस्तानको एक अदालतले उनको जमानतको निवेदन र कूटनीतिक कागजातको मामिलामा एफआईआर रद्द गर्ने अनुरोध अस्वीकार गरेको छ।
