कास्की । कलाकार प्रकाश घिमिरे घाँस काट्ने क्रममा भिरबाट लडेर गम्भिर घाइते भएका छन् । दु। पोखरा महानगरपालिका ३ नदीपुर निवासी घिमिरे छिमेकमै रहेको बालमन्दिर स्कुलको नजिक प्रेम शेरचनको घर नजिकको भिरबाट घाँसको डाला तान्ने क्रममा भएका हुन् ।
उनका साथी प्रेम शेरचन सँगै रहेकाले तत्काल उद्धार गर्न खोजिए पनि झाडी फाडेर घाइते घिमिरेलाई अस्पताल लग्न २ घण्टाभन्दा बढी समय लागेको थियो ।
उनको मणिपाल शिक्षण अस्पतालमा उपचारका लागि आइसियूमा राखेर उपचार भइराखेको छ । उनको टाउको, छाती र मेरुदण्डमा चोट लागेको छ । उनी अझै अचेत अवस्थामा रहेको बताइएको छ ।
रक्तचाप र अक्सिजन लेबल निकै कम भएकाले पनि काठमाडौँ लैजान निकै कठिन भएको उनका आफन्त गोविन्द पौडेलले जानकारी दिए ।
दसैको बेला बिदामा बसेका सिनियर चिकित्सकलाई तत्काल सहभागी गराई उपचार सुरु गरिएको पोखरा महानगरपालिका प्रमुख धनराज आचार्यले जानकारी दिए ।
मणिपाल शिक्षण अस्पतालका अनुसार घाइते घिमिरेको अवस्था स्थिर रहेको जनाइएको छ । उनको फिल्म पशुपतिप्रसाद २ भष्मे डन पोखरालगायत देशैभर प्रदर्शन भइरहेका छन् ।
