क्यानडाद्वारा मुम्बईमा आफ्नो भिसा र कन्सुलर सेवा बन्द

एजेन्सी । भारत र क्यानडाबीच जारी द्वन्द्व दिनप्रतिदिन बढ्दै गएको छ । अब यस सम्बन्धमा क्यानडाबाट अर्को नयाँ निर्णय भएको छ । क्यानडाले मुम्बईमा आफ्नो भिसा र कन्सुलर पहुँच बन्द गरेको छ। अब क्यानडा जान चाहनेले मुख्य कार्यालय दिल्लीबाट भिसाको प्रक्रिया पूरा गर्नुपर्नेछ। क्यानडाले अहिलेसम्म आफ्नो निर्णयको कुनै कारण बताएको छैन।

मुम्बईको कार्यालयमा कार्यरत कर्मचारीले नागरिकले आफ्ना समस्याका लागि आफुलाई मेल गर्न सक्ने बताउँछन् । अहिले कार्यालयका सबै प्रक्रिया बन्द भएको मिडिया रिपोर्टमा उल्लेख छ ।

भिसा सम्बन्धी सबै काम अब दिल्लीको कार्यालयबाट हुनेछ।

खालिस्तान समर्थक आतंकवादी हरदीप सिंह निज्जरको हत्यापछि दुई देशबीचको सम्बन्ध बिग्रिएको थियो ।

त्यसपछि क्यानडाका प्रधानमन्त्री जस्टिन ट्रुडोले निज्जरको हत्यामा भारतको हात रहेको आरोप लगाएका थिए ।