हङकङविरुद्ध टस जितेर नेपाल पहिले ब्याटिङमा

काठमाडौँ । त्रिकोणात्मक टि२०आई सिरिजको तेस्रो खेलमा नेपालले आज हङकङको सामना गर्दैछ । मुलपानी क्रिकेट मैदानमा बिहान ११ बजे सुरु हुने खेलमा नेपालले पहिलो ब्याटिङ गर्ने भएको छ ।

नेपालका कप्तान रोहितकुमार पौडेलले टस जितेर पहिलो ब्याटिङ गर्ने निर्णय लिएका हुन् । नेपालका लागि प्रतिस जिसीले डेब्यु गर्दैछन् । त्यस्तै ललित नारायण राजवंशी पनि टोलीमा फिर्ता भएका छन् ।

आजको खेलमा विजयी भए नेपाल एक खेल अगावै फाइनलमा पुग्नेछ । सिरिजको फाइनल शुक्रबार हुनेछ ।