सरकार फेरिरहने क्रमले प्रदेशप्रति वितृष्णा बढ्योः राजेन्द्र राई

विराटनगर । नेकपा (एकीकृत समाजवादी) कोसी प्रदेश संसदीय दलका नेता राजेन्द्र राईले कोसीमा मध्यावधि निर्वाचनमा गइ ताजा जनादेशमा जानुपर्ने बताएका छन् ।‌

कोसी प्रदेशसभाको आजको बैठकमा बोल्दै निरन्तर सरकार फेरिरहने क्रमले प्रदेशप्रति वितृष्णा बढेको समेत बताए ।

‘बजेट शून्य अवस्थामा प्रदेश पुग्यो । विकासको नाममा एक चप्परी माटो खन्न सकिएन ।’ उनले भने ‘केदार कार्की मुख्यमन्त्री सरकारले विश्वास मत माग्नु भएको छ, गठबन्धनले सिद्धान्ततः दिन नहुने हो । अहिले एमालेसँग अस्वभाविक गठबन्धन बनेको छ ।’

साथै उनले आठजना सांसद लिएर एमाले नेतृत्वको सरकारले किन विश्वास मत लिन नसकेको भन्दै प्रश्न समेत गरे ।