आकाश भैरव मन्दिरमुनि भएका पसलहरू हटाइयो

काठमाडौँ। काठमाडौँ महानगरपालिकाले इन्द्रचोकस्थित आकाश भैरव मन्दिरमुनि भएका पसलहरू हटाइएको छ। मन्दिरमुनि रहेका ७ वटा पसलहरु हटाएको हो।

पसल सञ्चालकहरू र गुठी समितिको सहमतिमा ती पसल मन्दिरमुनिबाट हटाइएको आकाश भैरव सञ्चालन समितिका सचिव श्याम महर्जनले जानकारी दिए।

मन्दिरको मुनि जुठो गर्न नहुने र फोहोर भएको आलोचना भएपछि हनुमानढोका सम्पदा संरक्षण विभागले तीन महिनाअघि ती पसल हटाउन पत्राचार समेत गरेको थियो। महानगरपालिकाले समेत पसलहरु हटाउँदा ट्राफिक व्यवस्थापनमा सहयोग हुने बताइएपछि असोज १५ गतेदेखि पसलहरू हटाउने सम्झौता भएको हो।