अष्ट्रेलियाद्वारा भारतसमक्ष २०० रनको लक्ष्य प्रस्तुत

नेपालीपत्र आईतबार, २०८० असोज २१ गते, १८:१६ मा प्रकाशित खेल

एजेन्सी । एकदिवसीय विश्वकप अन्तर्गत लिग चरणको खेलमा अष्ट्रेलियाले भारतलाई २०० रनको लक्ष्य दिएको छ ।

चेन्नईको एम चिदम्बरम मैदानमा टस जितेर ब्याटिङ थालेको अष्ट्रेलियाले ४९.३ ओभरमा अलआउट हुँदै १९९ रन जोड्यो । उसका लागि स्टिभ स्मिथले सर्वाधिक ४६ रन जोडे ।

यस्तै, डेभिड वार्नरले ४१, मार्कुस लाबुसेनले २७, ग्लेन म्याक्सवेल र प्याट कमिन्सले १५–१५ रन जोडे भने मिचल स्टार्कले २८ रन जोडे । मिचेल मार्स र एलेक्स केरी खाता नखोली पेभिलियन फर्किए ।

भारतका लागि रविन्द्र जडेजाले तीन विकेट लिए भने कुलदीप यादव र जासप्रित बुमराहले दुई–दुई विकेट लिँदा मोहम्मद सिराज, हार्दिक पाण्ड्या र रविचन्द्रन अश्विनलाई एक–एक सफलता मिल्यो ।

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।