काठमाडौँ । राष्ट्रिय फुटबल टिमका स्टार फुटबलर बिमल घर्तिमगर विदेश पलायन भएका छन् ।
सुरक्षित भविष्यको खोजीमा बिमल अष्ट्रेलिया लागेका हुन् । केही समयअघि विवाह बन्धनमा बाँधिएका बिमलले अन्ततः अष्ट्रेलिया रोजेका हुन् । बिमलको विदेश पलायनले खेल क्षेत्रलाई स्तब्ध बनाएको छ ।
उमेर समूह हुँदै राष्ट्रिय टिमसम्म आईपुगेका बिमल पछिल्लो पुस्ताको नेपाली फुटबलका उत्कृष्ट फरवार्ड हुन् । उनकै नेतृत्वमा नेपालले यू–१९ साफ च्याम्पियनसिप जितेको थियो ।
उनले नेपालका लागि यू–१९ साफ च्याम्पियनसिप सहित साग गेम्स, बंगबन्धु कप, एएफसी सोलिडारिटी सहित विभिन्न उपाधि जितेका छन् ।
विमलले १४ वर्षको उमेरमा नै सिनियर टिममा डेब्यू गरेका थिए भने १५ वर्षमा पहिलो गोल गरेका थिए । राष्ट्रिय टीमबाट अहिलेसम्म उनले ९ गोल गरेका छन् ।
पछिल्लो समय नेपाली फुटबल क्षेत्रमा विदेशीने क्रम ह्वात्तै बढेको छ । सुरक्षित भविष्यको खोजीमा अधिककांश फुटबलर विशेष गरेर अष्ट्रेलियालाई नयाँ गन्तब्य बनाएका छन् ।
