Techie IT
२०८१ चैत्र २३, शनिबार
NepaliPatra logo
गृहपृष्ठराजनीतिकांग्रेसको सस्थापन इतरको टोलीले सभापति देउवालाई भेटे

कांग्रेसको सस्थापन इतरको टोलीले सभापति देउवालाई भेटे


काठमाडौँ। नेपाली कांग्रेसको सस्थापन इतरका नेता शेखर कोइराला नेतृत्वको एक टोलीले सभापति शेरवहादुर देउवालाई भेटेका छन्। भेटमा इतर पक्षले सरकारको कामकारवाही देखि पार्टी सभापतिको कार्यशैलीसम्मका विषयमा असन्तुष्टि जनाएका छन्।

सस्थापन इतरका नेता शेखर कोइराला, उपसभापति धनराज गुरुङ र सहमहामन्त्री जीवन परियारले आज बिहान सभापति देउवासँग भेट गरेका हुन्। देउवा निवास धुम्बराहीमा भएको भेटमा उनीहरुले माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारको कामदेखि देउवाको पार्टी सञ्चालन शैलीमै असन्तुष्टि पोखेका हुन्।

सस्थापनइतरका कोइराला पक्षका नेताहरुको मंगलबार काठमाडौँमा बैठक बसेको थियो। सोही बैठकको निश्कर्ष सुनाउन र कार्यशैली सुधार गर्न देउवालाई उनीहरुले भेटमा आग्रह गरेका हुन्।

कोइराला पक्ष प्रधानमन्त्री प्रचण्डले सरकारको नेतृत्वमा बसेर अराजकता मञ्चाउन थालेको निश्कर्षमा छ। प्रचण्ड नेतृत्वको सरकार कांग्रेसले टिकाएको र कांग्रेसलाई कमजोर बनाउने गरि प्रचण्ड अहिले अराजक शैलीमा हिड्न खोजेको यो समुहका नेताहरुको ठम्याई छ। उनीहरुले प्रचण्ड सरकारको विकल्प खोजेर कांग्रेसकै नेतृत्वमा सरकार बनाउनुपर्ने लविङ पनि भित्री रुपमा गरिरहेका छन्।

तर, देउवासँगको आजको भेटमा प्रचण्ड सरकारको काममा असन्तुष्टि जनाएपनि विकल्पका बारेमा भने कोइरालालगायतका नेताहरुले केही नबताएको कांग्रेस स्रोतको भनाई छ। कांग्रेसको केन्द्य्रीय समिति बैठक भोलि देखि सुरु हुँदैछ। केन्द्रीय समिति बैठक अगाडी कोइराला पक्षले काठमाडौँमा आफु निकट नेताहरुसँग छलफल गरेर आज सभापति देउवासँग भेट गरेको हो।

देउवासँगको भेटमा कोइराला लगायतका सस्थापनइतरका नेताहरुले कोशी प्रदेश सरकार, संघीय सरकारको प्रभावकारिता, सभापतिका निर्णय प्रक्रिया, संसदीय समितिको सभापति चयन, भ्रातृ संस्थाका पदाधिकारी तथा सदस्य चयनमा भएको मनोमानी लगायतका विषयमा केन्द्रीत रहेर आफुहरुको धारणा राखेका हुन्।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

थापाको ‘आमा नभएको घर’ प्रकाशित

काठमाडौं । कथाकार बखतबहादुर थापाको कथाकृति ‘आमा नभएको घर’ बजारमा आएको छ । यो उनको चौथो कथासंग्रह हो । २४

गाजाको विद्यालयमा इजरायलले गरेको आक्रमणमा २७ जनाको ज्यान गयो

एजेन्सी । उत्तरी गाजामा रहेको एक विद्यालयमा इजरायलले हवाई आक्रमण गर्दा महिला र बालबालिकासहित २७ जना प्यालेस्टिनीको ज्यान गएको छ

काठमाडौं महानगरपालिकाले ल्यायो घुम्ती खाद्य प्रयोगशाला सञ्चालन

काठमाडौं । काठमाडौं महानगरपालिकाले खाद्य प्रविधि तथा गुण नियन्त्रण विभागसँगको सहकार्यमा खाद्य सेवासँग सम्बन्धित बजार अनुगमनमा घुम्ती खाद्य प्रयोगशाला सञ्चालन

वायुमा प्रदूषण उच्च: अनावश्यक यात्रा नगर्न स्वास्थ्य मन्त्रालयको अनुरोध

काठमाडाैँ । काठमाडाैँ लगायत देशको पूर्वी भागमा वायु प्रदूषणले खतराको तह पार गरेको छ । वायुको अवस्था मापन गर्ने आईक्यू

नेपाली चलचित्रका लागि अविष्मरणीय वर्ष ‘२०८१’

काठमाडौं । ‘पूर्णबहादुरको सारङ्गी’ ले सञ्चार तथा सूचना प्रविधि मन्त्रालय अन्तर्गतको सेन्ट्रल म्यानेजमेन्ट टिकट सिस्टम (बक्सअफिस) मा ४६ करोड ८०

खुल्दैछन् लैङ्गिक तथा यौनिक अल्पसङ्ख्यक

पाल्पा । सामाजिक विभेद र लाञ्छनाका कारण समाजमा लुकेर बसेका लैङ्गिक तथा यौनिक अल्पसङ्ख्यक नागरिकहरू पछिल्लो समय खुल्न थालेका छन्

Techie IT