नेपालले म्यान्मारसँग दोस्रो मैत्रीपूर्ण फुटबल खेल्दै

काठमाडौँ । नेपालले आज म्यानमारसँग दोस्रो मैत्रीपूर्ण फुटबल खेल्दैछ । म्यानमारको राजधानी यानगोङ्गमा हुने खेल नेपाली समय अनुसार दिउँसो ४ः१५ बजे सुरु हुनेछ ।

नेपालले पहिलो मैत्रीपूर्ण खेलमा गत शुक्रबार घरेलु टोलीसँग गोलरहित बराबरी खेलेको थियो । सो खेलमा नेपालका अञ्जन विष्टले पेनाल्टी अवसरलाई गुमाउँदा नेपाल जित निकाल्न असफल भएको थियो ।

अर्को महिना लाओस विरुद्ध हुने विश्वकप तथा एसिया कप छनोट प्रतियोगिताको तयारी स्वरुप नेपाल म्यानमार पुगेको हो ।