नारायण थापा ‘कल्पित’का दुई कृति विमोचन

नेपालीपत्र आईतबार, २०८० भदौ २४ गते, १५:४८ मा प्रकाशित साहित्य

काठमाडौँ। लेखक तथा साहित्यकार नारायण थापा कल्पितद्वारा लिखित दुई कृतिहरू शनिबार विमोचन भएका छन्।

शनिबार राष्ट्रिय प्रज्ञा प्रतिष्ठानमा एक कार्यक्रमको आयोजना गरी कृतिहरू सार्वजनिक गरिएको हो।

थापाका दुई कृति ‘चाँदनी’ उपन्यास तथा कथा संग्रह ‘उल्टो म’ को विमोचन गरिएको हो। विमोचन कार्यक्रममा प्रमुख अतिथि राष्ट्रिय प्रज्ञा प्रतिष्ठानका कुलपति भुपाल राईले नेपालको साहित्य क्षेत्रमा थापाका कृतिहरूले थप इँट थप्ने काम गरेको बताए।

उक्त कमर्यक्रममा थापाद्वारा रचित दुई गीतहरूसमेत सार्वजनिक गरिएको थियो। ‘कौसिमा हेरेर’ र ‘मूल्य त पाहिन्छ’ बोलका दुई गीत सार्वजनिक गरिएको हो।

ग्रिन भ्याली समाजका अध्यक्ष रामबहादुर कार्कीको अध्यक्षतामा सम्पन्न कार्यक्रममा विभिन्न साहित्यिक तथा वरिष्ठ व्यक्तिहरूको उपस्थिति थियो।

#नारायण थापा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।