बाँकेमा भयानक दुर्घटनाः रोकिराखेको ट्रकसँग बस ठोक्किँदा सात जनाको मृत्यु, दुई दर्जन घाइते

नेपालीपत्र शनिबार, २०८० भदौ २३ गते, ०५:०८ मा प्रकाशित नेपाल

काठमाडौँ । बाँकेमा बस र ट्रक ठोक्किँदा सात जनाको मृत्यु भएको छ भने २५ जनाभन्दा बढी घाइते भएका छन् । शुक्रबार राति दाङबाट आउँदै गरेको बस बाँकेको शमशेरगन्जमा रोकिराखेको ट्रकमा ठोक्किँदा दुर्घटना भएको हो ।

दाङबाट आउँदै गरेको ना ७ ख २३२१ नम्बरको बस शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किएको थियो ।

मृतकको सनाखत भइसकेको छैन । प्रहरीका अनुसार दुर्घटनामा २५ जनाभन्दा बढी घाइते भएका छन् । घाइतेहरुलाई अस्पताल पुर्‍याइएको छ । केहीको अवस्था गम्भीर भएकाले मृतकको संख्या बढ्नसक्ने बताइएको छ ।

थप विवरण आउन बाँकी छ ।

#दुर्घटना

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।