एक जापानी कम्पनीको अन्तरिक्ष यान चन्द्रमामा अवतरण गर्ने क्रममा दुर्घटनाग्रस्त

एजेन्सी । एक जापानी कम्पनीको अन्तरिक्ष यान बुधबार चन्द्रमामा अवतरण गर्ने क्रममा दुर्घटनाग्रस्त भएको छ ।

दुर्घटनाका कारण सञ्चार सम्पर्कविहीन भएको र उडान नियन्त्रकहरूले त्यहाँ के भयो भन्ने कुरा पत्ता लगाउने प्रयास गरिरहेका छन् ।

सम्पर्क बिहिन भएको ६ घण्टाभन्दा बढीपछि टोकियो आधारित कम्पनी आईस्पेसले विभिन्न कुरामा शंका रहेको बताएको छ ।

चन्द्रमाको सतहमा अवतरण गर्ने प्रयास गर्दा दुर्घटनामा परेको बताइएको छ ।

साढे चार महिनादेखि यो यान मिसनमा काम गरिरहेको थियो । चन्द्रमाको सतहमा अन्तरिक्ष यानलाई सफलतापूर्वक अवतरण गर्ने लक्ष्य राखेको थियो। अहिलेसम्म तीन देशले मात्रै यो गर्न सकेको छ ।