काठमाडौँ। अभिनेत्री नम्रता श्रेष्ठले कलाकार शारुक ताम्राकारको आत्महत्या प्रकरणलाई लिएर सामाजिक संजालमार्फत स्पष्टिकरण दिएकी छिन्। उनले आफूविरुद्ध एकतर्फीरुपमा प्रहार गरिएको भन्दै उनले स्पष्टिकरण दिएकी हुन्।
सोमबार सामाजिक संजालमा लामो पोस्ट गर्दै श्रेष्ठले शारुकको आत्महत्या प्रकरणबारे आफ्नो भनाइ राखेकी हुन्। शारुकको आत्महत्याअघि नम्रतासँग झगडा भएको समाचारहरू बाहिर आएका थिए। केहीले अतिरञ्जना गर्दै नम्रतालाई नै आत्महत्याको प्रमुख कारकतत्वका रूपमा औल्याउन समेत खोजे। यद्यपि, शारुकको सुसाइड नोटमा भने नम्रतालाई आरोपित गरिएको छैन।
एक सम्भावना बोकेको, सहयोगी र मिलनसार व्यक्तिका शारुक रहेको र सो घटनाले आफूलाई अचम्भित तुल्याएको बताएकी छन्। यो घटनालाई लिएरु एकतर्फीरूपमा विभिन्न मिडियामार्फत समाचोर लेख्न लगाइएको तथा केही चलचित्रकर्मी र चलचित्रका पदाधिकारी नै पूर्वाग्रही किसिमले आफूविरुद्ध लागेको नम्रताको आरोप छ।
उनले आफू महिला भएकै कारण यति धेरै सामाजिक आक्रमण भएको होला भन्दै आफ्नो मौनतालाई कमजोरी नठान्न अपील गरेकी छिन्।
अनुसन्धानमा असर पर्ने भएकाले आफू अहिलेसम्म मिडियामा नबोलेको भन्दै उनले प्रहरी प्रशासनले बोलाएका बेला उपस्थित भएर बयान दिइसकेको बताएकी छन्।
https://www.facebook.com/NamrataaOfficial/posts/886296056187293?ref=embed_post
