एजेन्सी । सनी देओलको फिल्म गदर २ ले बक्स अफिसमा धमाका गरिरहेको छ । ६५ वर्षको उमेरमा पनि उनको फिल्मी करिअर झन् बलियो देखिएको छ । तर, राजनीतिमा भने उनी सफल मानिएका छैनन् ।
गुरदासपुरका जनता उनीसँग आक्रोशित छन् । यससँगै उनले आगामी चुनाव लड्न अस्वीकार गरेका छन् ।
सन् २०१९ को चुनावअघि सन्नी देओल राजनीतिमा प्रवेश गरेपछि भाजपाले उनलाई टिकट दिएको थियो र गुरदासपुरबाट उनले चुनाव जितेका थिए ।
यो त्यो समय थियो जब सनी देओलका धेरै फिल्महरू बक्स अफिसमा लगातार फ्लप भइरहेका थिए। त्यतिबेला उनको फिल्मी करियर डगमगाएको थियो र राजनीतिमा प्रवेश गर्नेबित्तिकै उनको राजनीतिक यात्रा विजयबाट सुरु भएको थियो ।
तर, सन् २०२४ को चुनाव अघि नै सनी देओलले चुनाव लड्न अस्वीकार गरेका छन् ।
सन्नी देओल यतिबेला आफ्नो फिल्म गदर २ को सफलताका कारण देशभर चर्चामा छन्, उनको फिल्म सुपरहिट बनेको छ, ४०० करोडभन्दा बढी कमाइसकेको छ तर उनी अहिले राजनीतिबाट टाढा छन् ।
केही दिनअघि सन्नी देओलले एक अन्तर्वार्तामा आफूले सन् २०२४ को चुनाव नलड्ने बताएका थिए । उनले भनेका थिए, ‘अभिनेता भएर देशको सेवा गर्न चाहन्छु, तर राजनीतिमार्फत सेवा गर्ने मेरो क्षेत्र रहेनछ ।’
सनी देओल मात्रै होइन, उनीभन्दा अगाडि उनका बुवा तथा बलिउड अभिनेता धर्मेन्द्रको पनि राजनीतिसँग यस्तै वितृष्णा थियो ।
