एजेन्सी । रुसको निजी सेना वाग्नर समूहका प्रमुख येभगेनी प्रिगोजिनको विमान दुर्घटनामा मृत्यु भएको मिडिया रिपोर्टमा उल्लेख छ ।
रिपोर्टका अनुसार मस्कोबाट सेन्ट पिटर्सबर्ग जाँदै गरेको विमान दुर्घटनामा प्रिगोजिनको मृत्यु भएको हो ।
रसियामा हालै राष्ट्रपति पुटिनविरुद्ध भएको विद्रोहपछि प्रिगोजिनलाई देश निकाला गरिएको थियो ।
जुनमा पुटिन विरुद्धको असफल विद्रोहपछि वाग्नर समूहका प्रमुख येभगेनी प्रिगोजिनको हत्याको बारेमा अनुमान गरिएको थियो।
रुसको छिमेकी देश बेलारुसले प्रिगोजिनलाई शरण दिने कुरा गरेको थियो ।
विमान दुर्घटनामा १० जनाको मृत्यु बताइएको छ । विमान राजधानी मस्कोबाट सेन्ट पिटर्सबर्गका लागि उडेको थियो । वाग्नर प्रमुख प्रिगोगिन पनि जहाजमा रहेका थिए ।
यसैबीच, बागनर समूहले यस दुर्घटनामा प्रिगोगिनको मृत्यु भएको पुष्टि गरेको छ।
वाग्नर समूहले एक आधिकारिक विज्ञप्ति जारी गर्दै रुसी गद्दारहरूको कारणले रुसी नायक र वाग्नर प्रमुख इभजेनी प्रिगोगिनको हत्या भएको बताएको छ।
