रसुवाबाट २ किलो सुनसहित दुई जना पक्राउ

काठमाडौँ। रसुवाबाट २ किलो सुन बरामद भएको छ। नियमित चेकजाँचको क्रममा प्रहरीले सो सुन बरामद गरेको हो।

जिल्ला प्रहरी कार्यालय, रसुवाका डीएसपी सुवास बुढाथोकीका अनुसार लुकाएर ल्याएको २ किलो सुन शनिबार साँझ बरामद भएको हो। सो सुनसहित २ जना पक्राउ परेका छन्।

टिमुरेबाट स्याफ्रु पैदल आउँदै गरेका भोटेकोशी– ५ का २४ वर्षीय सुदीप शेर्पा साथबाट प्रहरीले सुन बरामद गरेको हो। त्यस्तै, भोटेकोशी– १ का ३० वर्षीय फुर्साङ्बु शेर्पा पनि पक्राउ परेका छन्।

बरामद भएको सुन परीक्षण गरेर आवश्यक कारबाहीका लागि राजश्व अनुसन्धान विभाग, ललितपुर पठाइएको छ।