सुन प्रकरणमा पक्राउ परेका ७ जना चिनियाँसँग नेपाली नागरिकता

काठमाडौँ। सुन तस्करी प्रकरणमा पक्राउ परेका ७ जना चिनियाँ नागरिकसँग नेपाली नागरिकता भेटिएको छ। प्रहरीको केन्द्रीय अनुसन्धान ब्युरो (सीआईबी)ले चिनियाँ नागरिकसँग नेपाली नागरिकता पनि भेटिएको जनाएको छ।

अनुसन्धानमा खटिएका एक अधिकारीका अनुसार उनीहरु नेपाली नागरिकता लिएर नेपालमा बसेको देखिएको छ। साथै, उनीहरुसँग चिनियाँ पासपोर्ट पनि छ।

ब्रेक शुभित्र राखेर ल्याइएको अवस्थामा करिब ६० केजी सुन राजस्व अनुसन्धान विभागले बरामद गरेको थियो।
यो प्रकरणमा सीआईबीले सुन तस्करी र संगठित अपराधमा अनुसन्धान गरिरहेको छ।