रोल्पामा भएको बस दुर्घटनामा चार जनाको मृत्यु, ११ जना घाईते

काठमाडौँ। रोल्पामा भएको बस दुर्घटनामा चार जनाको मृत्यु भएको छ भने ११ जना घाईते भएका छन्। रोल्पाको बागमारादेखि दाङको घोराहीका लागि छुटेको ना ५ ख २६१२ नम्बरको बस रोल्पाको त्रिवेणी गाउँपालिका–७ गैरीगाउँस्थित रिची गाउँमा दुर्घटना हुँदा चार जनाको मृत्यु भएको हो। मृतकहरुको पहिचान हुन बाँकी छ ।

घाइतेहरुमध्ये ६ जनालाई उपचारका लागि घोराही पठाइएको र अरुलाई पनि पठाउने तयारी भैरहेको त्रिवेणी गाउँपालिका– ७ का वडाध्यक्ष भानबहादुर घर्तीले जानकारी दिए।

मंगलबार दिउँसो भएको दुर्घटनामा बस सडकबाट करिब ५० मिटर मुनि खसेर दुर्घटनाग्रस्त भएको हो। उनका अनुसार घटनास्थलमा उद्धारका लागि प्रहरीसहित स्थानीय खटिएका छन्।