एजेन्सी । बलिउड अभिनेत्री सन्नी लियोनी, नोरा फतेही, अभिनेता टाइगर श्राफ, गायक गुरु रन्धावाजस्ता फिल्म स्टारलाई लाइभ कन्सर्ट गर्ने नाममा ९ करोड रुपैयाँ ठगी गरिएको छ ।
अनलाइन टिकट बेचेर ठगी गर्ने फाइनान्सर र तीन आयोजक ९ महिनापछि एसटीएफको पक्राउमा परेका छन् । लखनउको एकना स्टेडियममा लाइभ कन्सर्ट कार्यक्रम आयोजना गर्ने बहानामा यो ठगी गरिएको हो ।
पक्राउ परेका आयोजकले २०२२ को मे महिनामा श्री सुविधा फाउण्डेसनको शो आयोजना गर्ने नाममा बुक माई शोको टिकट समेत बिक्री गरेका थिए । कार्यक्रमको एक–दुई दिनअघि आयोजकले फोन बन्द गरेर भागेका थिए ।
उनीहरु विरुद्ध लखनउको गोमती नगर विस्तार प्रहरी स्टेशनमा तीनवटा मुद्दा दर्ता गरिएको थियो । लखनउमा ठगी गर्ने यो तरिका देखेर प्रहरी पनि छक्क परे ।
यूपी एसटीएफले जयन्ती डेरा वालिया, विराज त्रिवेदी र समीर शर्मालाई पक्राउ गरेको छ । आइतबार उनीहरुलाई ट्रान्जिट रिमाण्डमा लखनउ ल्याएर सोधपुछ भइरहेको छ ।
बुकिङ फाइनल भएपछि, स्टेडियमका प्रबन्धक गौरवले अमित च्यारिटी शोका लागि स्टार बुकिङ गर्थे । स्टार तय भएपछि शोको मिति मे २०२२ मा राखिएको थियो ।
