एजेन्सी । रुसी रक्षा मन्त्रालयले आइतबार बिहान मस्कोमा तीन युक्रेनी ड्रोन खसालेको रिपोर्ट दिएको थियो । उक्त रिपोर्ट बाहिर आएसँगै युक्रेनी राष्ट्रपति जेलेन्स्कीले प्रतिक्रिया दिएका छन् ।
राष्ट्रपति जेलेन्स्कीले आइतवार रुसमा युद्ध आउँदै गरेको चेतावनी दिएका छन् ।
जेलेन्स्कीले पश्चिमी शहर इभानो–फ्रान्किभस्कको भ्रमणमा भने,‘विस्तारै युद्ध रूसको भूभागमा यसको प्रतीकात्मक केन्द्रहरू र सैन्य अड्डाहरूमा फर्कदैछ, र यो एकदम उचित प्रक्रिया हो।’
राष्ट्रपति जेलेन्स्कीले युक्रेन बलियो हुँदै गएको बताएका छन् । तर, नयाँ आक्रमणका लागि देश तयार हुनुपर्ने भन्दै उनले जनतालाई सचेत गराएका छन् ।
गत वर्ष जस्तै रूसी सैनिकहरूले ऊर्जा क्षेत्र र महत्वपूर्ण सुविधाहरूमा आक्रमण गर्न सक्ने उनले बताए ।
