काठमाडौँ। कलाकार सारुक ताम्राकारको मोबाइलमा सुसाइड नोट भेटिएको छ। रातोपुलस्थित घरमा झुन्डिएको अवस्थामा मृत भेटिएका ताम्राकारको सुसाइड नोट भेटिएको हो।
प्रहरी प्रधान कार्यालय, नक्सालको डिजिटल फरेन्सिक ल्याबमा जाँचका लागि पठाइएको मोबाइलको ‘नोट्स’मा उनले मृत्यु हुनुअघि लेखेको विवरण फेला परेको हो।
सारुकले सुसाइड नोटमा कसैलाई दुःख नदिन प्रहरीलाई अनुरोध गरेका छन्। ताम्रकारले नोटमा आफूलाई विवादमा नपार्न पनि भनेका छन्। झण्डै एक पाना लामो नोटमा उनले साथीहरु र परिवारलाई पनि सम्झिँदै सबै गल्ती आफ्नै भएको बताएका छन्।
सारुकले लेखेका छन् ‘पुलिसहरू डन्ट फकिङ मी कन्ट्रोभर्सी। इट्स अल माई फल्ट। कसैलाई ब्लेम नगर्नु। यो सबै यहीँ इन्ड हुनु थियो। सो सकियो। मेक मि रेस्ट इन पीस, धन्यवाद।’
प्रहरीका अनुसार, उनले आमा र बुबालाई सम्बोधन गर्दै फेरि यही परिवारमा जन्मिन पाउँ समेत भनेका छन्।
ताम्राकार २१ असारमा घरमा झुण्डिएको अवस्थामा फेला परेका थिए।
