पहिरोले मुग्लिन–नारायणगढ सडक अवरुद्ध

चितवन । पहिरोले मुग्लिन–नारायणगढ सडक अवरुद्ध भएको छ । सडक खण्डअन्तर्गत इच्छाकामना गाउँपालिका–६ मा पर्ने कालीखोला पुल नजिक आइतबार बिहान लेदोसहितको पहिरो खस्दा सडक अवरुद्ध भएको हो ।

डिभिजन सडक कार्यालय भरतपुरका अनुसार तयारी अवस्थामा रहेको डोजरलगायत मेसिन पहिरो झरेको स्थानतर्फ पठाइएको छ । पहिरो धेरै ठूलो नभएकोले पन्छाउन केही समय लाग्ने बताइएको छ ।