पश्चिम अफ्रिकी देश नाइजरमा ‘कु’

एजेन्सी । पश्चिम अफ्रिकी देश नाइजरमा बुधबार कु भएको छ । सेना अधिकारीहरूले देशमा आफ्नो शासन घोषणा गरेका छन् र वर्तमान राष्ट्रपति मोहम्मद बेजोमलाई बन्दी बनाएका छन्।

सेनाका जवानहरूसहित सेनाका अधिकारीले लाइभ टिभीमा प्रस्तुत भएका थिए र नयाँ शासनको घोषणा गरेका थिए।

नाइजरमा भएको घटनाको विश्वका धेरै देशले निन्दा गरेका छन् ।

बीबीसी समाचारका अनुसार नाइजरका सैन्य अधिकारीहरूले संविधान, देशका सबै संस्थानहरू बन्द गरिएको, देशको सिमाना पनि बन्द गरिएको र बाहिरका देशहरूबाट कुनै पनि आवतजावत हुन नसक्ने घोषणा गरेका छन्। राष्ट्रपति बुधवारदेखि नै हिरासतमा छन् ।