एजेन्सी । कोरोना भाइरसको प्राणघातक प्रकोपबाट विश्व लगभग निको भइसकेको भएपनि अहिले त्योभन्दा ठूलो र घातक महामारीले दस्तक दिएको विश्व स्वास्थ्य संगठन (डब्ल्यूएचओ) ले जनाएको छ । डब्लुएचओले सबै देशहरूलाई अर्को महामारीको लागि तयारी गर्न चेतावनी दिएको छ।
विश्व स्वास्थ्य संगठन (डब्लुएचओ) प्रमुखले यो कोरोना भाइरसभन्दा ‘धेरै घातक’ हुनसक्ने चेतावनी दिएका छन् ।
विभिन्न कारणले प्राणघातक महामारीको खतरा रहेको उनले बताए ।
उनले कोरोनाभन्दा घातक मानिने यो महामारीको नाम के हो भन्ने बताएनन् ।
डब्ल्यूएचओका महानिर्देशक टेड्रोस अधानोम गेब्रेयससका अनुसार कोभिड १९ महामारीको अब सार्वजनिक स्वास्थ्य आपतकालिन छैन ।
डाउनग्रेड अर्थात् यो अब विश्वव्यापी स्वास्थ्य खतरा रहेको छैन ।
विश्व स्वास्थ्य सम्मेलनलाई सम्बोधन गर्दै उनले रोग र मृत्युको नयाँ बृद्धि हुने र अझ घातक सम्भाव्यता भएको अर्को रोगजनकको उत्पत्ति हुने खतरा भने बाँकी रहेको बताए ।
उनले भने,‘कोभिड–१९ अब विश्वव्यापी जनस्वास्थ्य आपतकालिन नहुन सक्छ, देशहरूले अझै पनि रोगप्रति आफ्नो प्रतिक्रियालाई बलियो बनाउनुपर्छ र भविष्यका महामारी र अन्य खतराहरूको लागि तयारी गर्नुपर्छ। अर्को महामारी आउँदा, त्यहाँ निर्णायक र सामूहिक प्रतिक्रिया हुन सक्छ।’
