सुनको मूल्य प्रतितोला १ हजार रुपैयाँले घट्यो

काठमाडौँ। आज नेपाली बजारमा सुनको भाउ १ हजार रुपैयाँले घटेको छ।

नेपाल सुन चाँदी व्यवसायी महासंघका अनुसार आज छापावाल सुनको मूल्य १ हजार रुपैयाँले घटेर प्रतितोला १ लाख ८ हजार ८०० रुपैयाँमा खरिदबिक्री भइरहेको छ। त्यस्तै, तेजाबी सुन १ लाख ८ हजार ३०० रुपैयाँ कायम भएको छ।

अघिल्लो कारोबार दिन बुधबार छापावाल सुन तोलाको १ लाख ९ हजार ८०० रुपैयाँ पुगेको थियो। सुनको मूल्य घटेसँगै चाँदीको भाउ पनि घटेको छ। चाँदी प्रतितोला १ हजार ३५७.५० रुपैयाँ तोकिएको छ। बुधबार चाँदी १ हजार ३६० रुपैयाँमा कारोबार भएको थियो।