बलात्कार र हत्यासम्बन्धी घटनामा सैनिकलाई दोषी ठहर

• शुक्रबार, २२ भदौ, २०७५
• 2 years ago
• अन्तर्राष्ट्रिय

जुबा । दक्षिण सुडानको एक सैनिक अदालतले सन् २०१६ मा सुडानको राजधानी जुबामा भएको बलात्कार र हत्यासम्बन्धी घटनामा यहाँका १० सैनिकलाई दोषी ठहर गरेको छ । 

 

सन् २०१६ मा सुडानमा भएका वैदेशिक सहायताकर्मीलाई बलात्कार गरेको र एकजना स्थानीय पत्रकारको हत्या गरेको अभियोग ती सैनिकमाथि लागेको थियो । 

 

दक्षिण सुडानको राजधानीमै भएको उक्त बलात्कार र हत्याकाण्डको सुनुवाई जुबाको एक अदालतमा जारी थियो । सो मुद्दाको फैसला सुनाउँदै अदालतले बिहीबार ती १० जना सैनिकलाई दोषी ठह¥याएको बताइएको छ । 

 

जुबाको सैनिक अदालतले उक्त फैसला सुनाएको समाचारमा उल्लेख छ । लामो समयको अनुसन्धानपछि विदेशी सहायताकर्मीको बलात्कार र दक्षिण सुडानकै एक जना स्थानीय पत्रकारको हत्यामा उनीहरुको संलग्नता देखिएको फैसला सुनाइएको हो । 

 

सैनिक अदालतका न्यायाधीश नाइट बारिनो अल्मास्को इजलाशले सो फैसला सुनाएका छन् । उनले उक्त बलात्कार र हत्याकाण्डको अनुसन्धान प्रक्रियाको बारेमा पनि सो फैसलामा विस्तृत रुपमा उल्लेख गरेका छन् । 

• Sudan

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।